Stúdentablaðið er gefið út tvisvar á misseri af Stúdentaráði Háskóla Íslands. Blaðið er upplýsinga- og afþreyingarmiðill nemenda við Háskóla Íslands og gegnir hlutverki málgagns Stúdentaráðs.

Stúdentablaðið var fyrst gefið út þann 1. desember árið 1924, og hefur blaðið verið gefið út með reglubundnum hætti frá stofnun þess. 

Ritstjóri Stúdentablaðsins veturinn 2017–18 er Ingvar Þór Björnsson en í ritstjórn sitja Alexandra Ýr Van Erven, Hjalti Freyr Ragnarsson, Lísa Björg Attensperger, Ragnhildur Þrastardóttir, Sólveig Hrönn Hilmarsdóttir og Þorgerður Anna Gunnarsdóttir. Karítas Sigvaldadóttir er ljósmyndari blaðsins og Marta María Arnarsdóttir hefur yfirumsjón með prófarkalestri. 

Stúdentablaðið hefur alla tíð gegnt því hlutverki að vera vettvangur fyrir Háskólanema til þess að tjá sig á ýmsa vegu en þátttaka nemenda er forsenda fyrir tilvist blaðsins. Því viljum við eindregið hvetja þá sem hafa áhuga á að taka þátt í gerð blaðsins eða koma að því á einhvern hátt að senda okkur tölvupóst á netfangið okkar: studentabladid@hi.is